ARMIARMA SAREA

Gaur azalduko dudan jolas hau edozein unetan erabil daiteke norberaren autoestima igotzeko, esate baterako nik asteburu honetan nire aisialdi taldearekin egin dut. Hala eta guztiz ere, jolasa burutzeko beharrezkoa da partaideak elkar ezagutzea eta gutxienez zazpi urte baino gehiago izatea.

ADINA: zazpi urtetik aurrera

KOPURUA: komenigarria da bi pertsona baino gehiago izatea

MATERIALA: arkatza, orriak, kaxa bat eta harizko bola bat

ESPAZIOA: edozein

JOLASAREN AZALPENA:

Ume guztiek borobil bat egin eta jesarri egingo dira. Ondoren, paper batean beraien izena idatziko dute eta borobil erdian egongo den kaxan sartuko dute.

Aurreko paragrafoan aipatutako guztia burutu eta gero begiraleak papertxoak kutxa barruan nahasi eta partaide bakoitzari bat emango dio, beti ere norberari berea eman gabe. Ondoren, egokitu zaien papertxoaren atzean tokatu zaien pertsonari buruzko bi adjektibo on edo positibo idatzi beharko dituzte.

Partaide guztiek ekintza amaitu ostean, begiraleak zozketa baten bitartez jolasa nork hasiko duen erabakiko du.

Jokoa hasten duen pertsonak hariaren hertzetik heldu eta tokatu zaion pertsonaren izena eta bere adjektibo positiboak zeintzuk diren esan ondoren hari bola berari pasatuko dio. Jolasak modu horretan jarraituko du pertsona guztien izenak atera arte.

Azkenik, borobilaren erdian armiarma sare bat geratuko da eta pertsona bakoitzak hasieran bere izena idatzi duen orritxoa berreskuratuko du, baina oraingoan berari buruzko adjektiboekin.



Hurrengoko liburu honetan jolas gehiago aurkitu dezakezue:

Open publication - Free publishing - More gasteiz

BALOIAREKIN KORRIKA

Adina: 5 urtetik aurrera
Kopurua: Gutxienez 4 (hobe gehiago)
Materiala: Baloia
Espazioa: Edozein


JOLASAREN AZALPENA:

Erdian nor geratuko den zozketatu ondoren, jokalari guztiak biribilean jarriko dira. Erdiko laguna eserita egongo da eta biribilekoak, berriz, zutik.

Baloia eskuz esku pasatzen hasiko da erdiko jokalaria, begiak itxita dituelarik, hogeitik behera zenbatzen duen bitartean (20, 19, 18...). Zenbaketa isilean egingo du biribileko jokalariek ez entzuteko moduan. Hamarrera iristerakoan beso bat luzatuko du "KO" ozenki esanez, eta hortik behera zenbatzen jarraituko du (9, 8, 7...); ondoren bostera iristerakoan, beste besoa luzatuko du "RRI" ozenki

 esanez eta, azkenik, zerora iritsi bezain pronto bi besoak buru gainean jarriko ditu eta txalo eginez "KA" oihukatuko du. "KA" esan duen unean balopia zuen biribileko jokalaria lurrean eseri egin beharko da, hankak luzatuta.

Jolasa errepikatuko da pixkanaka-pixkanaka biribileko jokalari guztiak eserita gelditu arte. Oso garrantzitsua da baloia eskutik eskura pasa behar dela ohartaraztea, hau da, ezin dela baloia bota. Beraz, biribileko bi lagunen artean norbait eserita badago, honen hankaren gainetik salto egin behar da baloia hurrengo jokalariari eskura emateko.

Oso talde handiak baditugu bi baloi erabil daitezke. Honela ez da jolasa gehiegi luzatuko, eta biribilekoek ez dute hainbeste itxaron beharko baloia beren eskuetatik pasa arte.


 ALDAERAK:

Oso talde handiak baditugu bi baloi erabil daitezke. Honela ez da jolasa gehiegi luzatuko, eta biribilekoek ez dute hainbeste itxaron beharko baloia beren eskuetatik pasa arte.

ESAMOLDEAK:

• HUTS EGIN
Gaizki egin, kale egin.
• KORROAN:
Biribilean, kirrinkiloan, errondan.
• BETE IZAN:
Betetzea, txito izan, zigortua, itsu izan, (jolas honetan erdian dagoena).

GAITASUNAK

• JARDUERA LUDIKOA
Mugimendu eta adimen estrategiako jolasa.
• JARDUERA KOGNIKTIBOAK
Sentipen-mugimenduzko jokaera: errepikapena. Eragiketa jokaera konkretua: arrazoibide konkretua.
• TREBETASUN FUNTZIONALAK
Ikerketa: lekualdatzea eta oratzea Eraginkortasuna: trebetasuna eta lastertasuna
• ALDERDI SOZIALAK
Bana-banako harremana: gizabanakoa-gizabanakoa.

INFORMAZIO SOZIOKULTURALA

Jolas hau gaur egun oso ezaguna da haurren artean. Nahiko jolas berria dela esan daiteke, orain dela 20 urte modan jarria. Talde handietan jolasteko oso aproposa da, oso azkarra delako; gainera inor ez da baztertuta gelditzen, eseritzen direnek ere garrantzi handiko zeregina betetzen baitute jolas honetan. Oso jolas dibertigarria da tentsioa denbora guztian mantentzen delako. Izen ezberdinekin ezaguna da; BONA da izenik ezagunena, baina dena den edozein hitz erabil daiteke.



Iturria: http://www.aisia.net/jolasak/baloi-jolasa/baloiarekin-korrika

KAFE FRANTSES BATEN

Adina: 3 urtetik aurrera
Kopurua: Gutxienez 4 (hobe gehiago)
Materiala: Ezer ez
Espazioa: Edozein


JOLASAREN AZALPENA
Dantza egiteko jolas bat da. Jokalari guztiek ilara bat eginez biribila osatuko dute. Abesti osoa abesten duten bitartean mugimendu batzuk egin beharko dituzte. Kantua aurrera doan neurrian, geroz eta mugimendu zailagoak egin beharko dituzte:

• Hankak mugitu: abesti osoa abesten duten bitartean oinak kanporaldera mugituko dituzte, abestiaren erritmoari jarraituz. Lehengo eskuineko hanka eta gero ezkerrekoa mugitu behar dira, aurrerantz.
• Besoak mugitu: abesti osoa abesten duten bitartean eta oinen mugimendua errepikatuz, orain besoak zabaldu behar dituzte. Eskuineko oina mugitzerakoan eskuineko besoa zabalduko dute, eta ezkerreko oina mugitzerakoan ezkerreko besoa.
• Burua mugitu: abesti osoa abesten duten bitartean, eta oinen eta besoen mugimendua errepikatuz, burua alde batera eta bestera mugitu beharko dute. Eskuineko oina eta besoa mugitzerakoan burua eskuinerantz biratu behar da eta ezkerreko oina eta besoa mugitzerakoan burua ezkerrera biratu behar da.
• Aurrean dagoen lagunaren sorbalda heldu eta abestia abestu, aurreko mugimendu guztiak eginez.
• Gure aurrean dagoen lagunaren aurreko lagunaren sorbalda heldu eta abestia abestu, mugimendu guztiak errepikatuz.
• Ilaran hiru toki aurrerago dagoen lagunaren sorbalda heldu (horretarako biribila itxi egin beharko da), eta, atzean dagoen lagunaren izter gainean eserita, abestia abestu behar da, mugimendu guztiak (oinak, besoak eta burua) errepikatuz.

ALDAERAK
• UME TXIKIEKIN

Mugimendu batzuk zailak suertatzen bazaizkie, jolasa erraztu daiteke; batez ere, komenigarria da 4., 5. eta 6. mugimenduak aldatzea edo kentzea.
• MUGIMENDU GEHIAGO
Aipatutako mugimenduei beste batzuk gehitzen zaizkie zenbaitetan: aurrekoaren begiak eskuekin estali, aurrekoari belarrietatik heldu...

ESAMOLDEAK
KORROAN: Biribilean, kirrinkiloan, errondan.

GAITASUNAK
• JARDUERA LUDIKOA
Entzumenezko jokoa.
• JOKAERA KOGNITIBOAK
Sentipenezko eta mugimenduzko jokaera erritmikoa: errepikapena zailtasuna handituz.
• TREBETASUN FUNTZIONALAK
Imitazioa: koordinazio erritmikoa orokorra.
• ALDERDI SOZIALAK
Kooperazio motako harremana.

INFORMAZIO SOZIOKULTURALA
Aisialdian lanean diharduten taldeek oso ezaguna dute abesti hau. Frantziatik heldutako doinu baten moldaketa eta itzulpena da. Doinua eta letra ikastea erraza denez, eta bukaera oso dibertigarria denez, adin guztietako lagunentzat da egokia.


ABESTIA
KAFE "FRANTSES" BATE(A)N
MINUE DANTZATZEN
KAFE "FRANTSES" BATE(A)N
MINUE DANTZATZEN
MINUE MINUE
MINUE "DANTZATZEN"
KAFE FRANTSES BATE(A)N
MINUE "DANTZATZEN"



Iturria: http://www.aisia.net/jolasak/animazio-jolasa/kafe-frantses-batean