KAFE FRANTSES BATEN

Adina: 3 urtetik aurrera
Kopurua: Gutxienez 4 (hobe gehiago)
Materiala: Ezer ez
Espazioa: Edozein


JOLASAREN AZALPENA
Dantza egiteko jolas bat da. Jokalari guztiek ilara bat eginez biribila osatuko dute. Abesti osoa abesten duten bitartean mugimendu batzuk egin beharko dituzte. Kantua aurrera doan neurrian, geroz eta mugimendu zailagoak egin beharko dituzte:

• Hankak mugitu: abesti osoa abesten duten bitartean oinak kanporaldera mugituko dituzte, abestiaren erritmoari jarraituz. Lehengo eskuineko hanka eta gero ezkerrekoa mugitu behar dira, aurrerantz.
• Besoak mugitu: abesti osoa abesten duten bitartean eta oinen mugimendua errepikatuz, orain besoak zabaldu behar dituzte. Eskuineko oina mugitzerakoan eskuineko besoa zabalduko dute, eta ezkerreko oina mugitzerakoan ezkerreko besoa.
• Burua mugitu: abesti osoa abesten duten bitartean, eta oinen eta besoen mugimendua errepikatuz, burua alde batera eta bestera mugitu beharko dute. Eskuineko oina eta besoa mugitzerakoan burua eskuinerantz biratu behar da eta ezkerreko oina eta besoa mugitzerakoan burua ezkerrera biratu behar da.
• Aurrean dagoen lagunaren sorbalda heldu eta abestia abestu, aurreko mugimendu guztiak eginez.
• Gure aurrean dagoen lagunaren aurreko lagunaren sorbalda heldu eta abestia abestu, mugimendu guztiak errepikatuz.
• Ilaran hiru toki aurrerago dagoen lagunaren sorbalda heldu (horretarako biribila itxi egin beharko da), eta, atzean dagoen lagunaren izter gainean eserita, abestia abestu behar da, mugimendu guztiak (oinak, besoak eta burua) errepikatuz.

ALDAERAK
• UME TXIKIEKIN

Mugimendu batzuk zailak suertatzen bazaizkie, jolasa erraztu daiteke; batez ere, komenigarria da 4., 5. eta 6. mugimenduak aldatzea edo kentzea.
• MUGIMENDU GEHIAGO
Aipatutako mugimenduei beste batzuk gehitzen zaizkie zenbaitetan: aurrekoaren begiak eskuekin estali, aurrekoari belarrietatik heldu...

ESAMOLDEAK
KORROAN: Biribilean, kirrinkiloan, errondan.

GAITASUNAK
• JARDUERA LUDIKOA
Entzumenezko jokoa.
• JOKAERA KOGNITIBOAK
Sentipenezko eta mugimenduzko jokaera erritmikoa: errepikapena zailtasuna handituz.
• TREBETASUN FUNTZIONALAK
Imitazioa: koordinazio erritmikoa orokorra.
• ALDERDI SOZIALAK
Kooperazio motako harremana.

INFORMAZIO SOZIOKULTURALA
Aisialdian lanean diharduten taldeek oso ezaguna dute abesti hau. Frantziatik heldutako doinu baten moldaketa eta itzulpena da. Doinua eta letra ikastea erraza denez, eta bukaera oso dibertigarria denez, adin guztietako lagunentzat da egokia.


ABESTIA
KAFE "FRANTSES" BATE(A)N
MINUE DANTZATZEN
KAFE "FRANTSES" BATE(A)N
MINUE DANTZATZEN
MINUE MINUE
MINUE "DANTZATZEN"
KAFE FRANTSES BATE(A)N
MINUE "DANTZATZEN"



Iturria: http://www.aisia.net/jolasak/animazio-jolasa/kafe-frantses-batean

GAZTEENTZAKO ZER DA AISIALDIA?

Aurreko entradaren harira bideo hau aurkitu dut sarean. Bertan, gazteek beraien aisialdia azaltzen dutenez oso interesgarria iruditu zait hausnarketa bat egiteko horren inguruan.

Bideoan agertzen diren guztiek iritzi bera dute denbora librearen inguruan, hau da, denbora hori gustatzen zaien zerbait egiteko dela. Hala ere, nire iritziz batzuetan gurasoen iritziak eragina du ekintzak aukeratzeko orduan, izan ere, jarduera batzuei garrantzi gehiago ematen diete, esaterako: ingelesari.

Horrez gain, dokumentalean ikus daiteke umeek nahiz gazteek eskolara joateaz gain beraien denbora librean ekintza asko egiten dituztela (kirola, hizkuntzak, musika…), hala ere gehienak pozik bizitzeaz gain uste dute jolasteko, ondo pasatzeko edo lagunekin egoteko denbora badutela. Ordea, beste batzuek eskolaz kanpoko jardueraren bat utzi behar izaten dute apenas ez dutelako denbora librerik.

Halaber, denbora libre gutxi edukitzerakoan geratzen zaien tarte apurra lanak egiteko erabiltzen dute. Gainera, arratsalde guztian zehar ekintza ezberdinak egiten egoten direnez nekatuta amaitzen dute eta ondorioz batzuetan beraien eskola errendimendua jaitsi egiten da.

Bestalde, gazteek beraien denbora librea gaztelekuetan igarotzen dute, aldiz, haurrek ludoteketan, haur liburutegietan eta abar. Hala ere, esan beharra dago herrietan haurrentzako espazio gehiago daudela gazteentzako baino.

Horretaz aparte, gazte askok beraien denboraren zati bat ordenagailuekin (tuenti, facebook…), mugikorrekin, telebistarekin edo bideo jokoekin igarotzen dute. Gainera, esaterako gazte batzuek ordenagailuko pantaila karratuaren aurrean, lagunekin hitz egiten edo jolasten, ordu asko igarotzen dute gurasoen inolako kontrolik gabe. Ene ustez, adin batetik aurrera izan behar dute mugikorra, ordenagailua edo bideo jokoak ez txikitatik, izan ere, ez baitute behar.

NOLA EGITEN DIRA MARMA SAREAK ETA MARMAK?

Gaur marma sare bat eta marma bat nola egiten den azalduko dut.

MATERIALA:

-Kola likidoa
-Kartulina beltza
-Zelo
-Errotulagailu gorria
-Guraizeak
-Kartoia
-Basurako poltsa
-Hari beltza edo urdin iluna
-Paper zuria


NOLA EGITEN DIRA?

Marma:

Lehenik eta behin, beltz koloreko kartulina zati bat hartu eta horrekin bola bat egin. Ondoren, kartoi zati batekin sei tira txiki egin, animaliaren hankak izango direnak, eta aurretik eginiko bolaren atzean jarri.

Marma bukatzeko paper zuria hartu eta bi borobil txiki egin eta gero errotulagailu gorriarekin gorriz margotu. Pausu hau amaitzerakoan aurretik eginiko bolaren gainean zeloz itsatsi. Azkenik, armiarmaren gorputzean hari beltz edo urdin iluna jarri, gero marma sarean lotzeko erabiliko dugu.

Marma sarea:
Lehenik eta behin basurako poltsa bat hartu, gero lurrean jarri eta kola likidoaz marma sarearen marrazkia egin. Ondoren, egun guztia mahai gainean lehortzen utziko dugu ondo gogortu arte.

Hurrengoko egunean, marma sarea gogortuta eta lehortuta dagoela konprobatu ondoren basura poltsatik askatuko dugu.

Amaitzeko, armiarma marma sarean lotuko dugu eta prest egongo da logelako atean edo lagun bati susto eder bat emateko.

ESKOLAZ KANPOKO JARDUEREN AUKERAKETA

Gaur egun, ez dugu aurkituko ia umerik eskolaz kanpoko jarduerarik egiten ez duenik, esate baterako: kirola (saskibaloia, futbola…), antzerkia, pintura, musika, dantza, hizkuntzak eta abar.

Eskolaz kanpoko jardueren aukeraketa, haurrak ikastetxe barruan azaltzen duen interesaren araberakoak izaten da, hala nola: abestea eta musika tresnak jotzea gustatzen bazaizkio musika eskolan apuntatuko da. Hala eta guztiz ere, esan beharra dago haur bakoitzaren adinerako egokituta dagoen ikastaroak bilatu behar dituztela gurasoek, izan ere, hori egiten ez badute beraien seme-alaben interesa ez garatzeko arriskua dago.

Alde batetik, eskolaz kanpoko jarduerak egiteak onurak dakartza: interes berdinak dituzten haurrek elkarren artean erlazionatzen direlako eta ondorioz lagun berriak egiten dituztelako; ume bakoitzaren autoestima indartzen duelako…

Beste aldetik, ekintza hauek burutzeak ondorio txarrak ekar ditzake: haurrak eskolaz kanpoko jarduera guztiak egitera ez dira behartu behar, izan ere, beraien kabuz jolasteko, gurasoekin edo lagunekin egoteko denbora izan behar dutelako.